Foreks, Dünya Maliyyə Bazarlarında ticarətə həm yeni başlayan, həm də bu sahədə professional iştirakçılar üçün münasib birjadır. Ənənəvi maliyyə bazarları ilə müqayisədə Foreks bir sıra üstünlüklərə malikdir. Xüsusilə də “yüksək qazanc imkanı” bu birjanın ən xarakterik xüsusiyyətidir. Zaman və məkan məhdudiyyətinin olmaması Foreksdə ticarət edən sərmayə sahiblərinə böyük sərbəstlik yaradır.
Foreksi digər maliyyə bazarlarından fərqləndirən ən böyük üstünlük marjinal ticarət prinsipidir. Bu birjada ticarət əməliyyatlarının kredit çiyni vasitəsilə həyata keçirilməsi mənfəət ehtimalını dəfələrlə artırır. Broker şirkətlərinin təqdim etdiyi kredit çiyni birja iştirakçılarına ilkin sərmayələrindən dəfələrlə böyük həcmdə ticarət etməyə imkan yaradır. Sərbəst sərmayə imkanlarına malik olan hər bir şəxs Foreks birjasında həftə içi 5 gün, gün boyu 24 saat tam sərbəst ticarət edə bilər. Dünya saat qurşaqlarındakı fərq sayəsində Foreks gün boyu fasiləsiz fəaliyyət göstərməkdədir.
Bütün bunlar sərmayəsini sərbəst idarə etmək istəyən şəxslərə əvəzedilməz imkanlar yaradır.
Foreks iştirakçılarının yenidən əməliyyata başlamaları üçün qiymətlərin təkrar düşməsini gözləmələrinə ehtiyac yoxdur. Qiymətlərin artacağını proqnozlaşdıraraq alış əməliyyatları edən iştirakçı qiymətlər ucuzlaşdığı zaman sataraq da mənfəət qazana bilər.
Mələsən: EURUSD cütündə alış əməliyyatı (buy) icra etdiyiniz zaman USD qarşılığında EUR almış olursunuz. Bunun əksinə olaraq, EURUSD cütündə satış əməliyyatı (sell) icra etdiyiniz zaman USD qarşılığında EUR satmış olursunuz. Beləliklə, Foreksdə qiymətlərin həm artımı, həm də enişində ticarət edərək mənfəət qazana bilərsiniz.
Sərmayəsini valyuta alıb-sataraq artırmağı düşünən yatırımcılar bunu valyuta mübadilə məntəqələrində də rahatlıqla həyata keçirə bilərlər. Lakin valyuta mübadilə məntəqələrində alış-satış qiymətləri arasındakı fərqin böyük olması və qiymət dəyişikliklərinin olduqca kiçik olması alış əməliyyatı icra edən şəxslərin qiymətlərin artımını gözləməsi üçün uzun vaxt tələb olunur. 
Valyuta məzənnələrindəki qiymət dəyişiklikləri müəyyən zaman dilimdə özünəməxsus qrafik formalaşdırır ki, bunu da istənilən zaman periodu üzrə izləmək mümkündür. Hər bir valyuta cütünə təsir edən faktorların müxtəlif olması səbəbindən müxtəlif valyuta məzənnələrinin qiymət qrafikləri də müxtəlifdir.
