«Insanlar hər zaman məndən soruşurlar,

ən yaxşı perspektiv haradadır,  lakin bu sual düzgün deyil.

Düzgün sual belədir: ən pis perspektiv haradadır?»

Con Templton Tennesi ştatının  kiçik bir kəndində doğulub. O,  əvvəl Yelski Universitetində, daha sonra Oksford Universitetində təhsil alıb.  Onun ilk, ən böyük investisiyası 1939-cu ildə olub, o, 100  dollara  bütün birjalarda, qiyməti 1 dollardan aşağı olan bir neçə səhm alır. (bunun üçün pullar borca götürülmüşdü) Bu səhmləri dörd il müddətində saxlayaraq, 40.000 dollar gəlir əldə edir. Bu hadisədən sonra Templton  tezliklə  öz biznesini satmaq istəyən  investisiyalar üzrə bir məsləhətçi tapır  və Templton  onun biznesini  5000 dollara alır.
 50-ci illərdə, qlobal investisiyalaşdırmanın dəb olduğu bir dövrdə, o, bütün dünya üzrə investisiya üçün əlverişli imkanlar axtarır.  60-cı illərin ortalarında “Templeton funds” Yaponiyada bir sıra investisiyalar edir.   O vaxtlar Yaponiyada şirkətlərin səhmləri  satılarkən  qiymət/gəlir əmsalı  4-ə bərabər olduğu halda,  Amerika şirkətlərinin  səhmləri 16-ya bərabər qiymət/ gəlir əmsalı ilə satılırdı.  Templton hesab edirdi ki, investorun əsas  məqsədi  ucuz qiymətlərin axtarışından ibarətdir. Burada əsas məqsəd risk və mükafatlandırma arasındakı nisbətdir. Riskli beybəlxalq strategiya özünü doğrultdu- 1954-cü ildə Templton tərəfindən investisiya olunmuş 10.000 dollar, 40 ildən sonra  2,3 mly. dollar  oldu,  bu da  illik 17% artım demək idi.
 1987-ci ildə  Con Templtona zadəgan  titulu verildi. “Hesab edirəm ki,əgər mənəvi prinsiplərdən istifadə edilirsə,  bütün peşələr daha uğurlu və qənaətbəxş olar” – o deyirdi. Templton   fərz edirdi ki, mənəvi axtarış və  tərəqqi, elmi tədqiqatlar və tərəqqi kimi  çox vacibdir. Lakin investisiya edərkək,  edilən dualar  heç vaxt Templtonun  dəqiq və yoxlanılmış  strategiyasını əvəz etmirdi.